1 июн-Рӯзи байналмилалии ҳифзи кӯдакон

01.06.2020

Ҳамасола 1 июн дар саросари олам ҳамчун Рӯзи байналмилалии ҳифзи кӯдакон ҷашн гирифта мешавад. Соли 1989 Созмони Милали Муттаҳид ҳуҷҷати аз ҳама муҳими байналмилалӣ оид ба ҳифзи ҳуқуқҳои кӯдак – Конвенсия дар бораи ҳуқуқҳои кӯдакро қабул намуд.

2 сентябри соли 1990 ҳукми амал пайдо кардани Конвенсияи мазкур нуқтаи кулминатсионии ҳамаи он кўшишҳое гардид, ки ҷомеаи ҷаҳонӣ тӯли қариб 70 сол барои таъмини эътирофи зарурии ниёзҳои махсус ва нозукиҳои махсуси кӯдакон ба ҷо меовард. Инсоният ба қабули ин ҳуҷҷат тадриҷан ва бо роҳи дуру дароз расид.

Дар Ҷумҳурии Тоҷикистон низ ин конвенсия мавриди амал қарор дорад ва корҳои зиёде дар ин самт амалӣ мегарданд. Аз ҷумла Лоиҳаи “Хизматрасониҳои маҷмӯӣ барои модар ва кӯдак”-и назди Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ҳифзи сиҳатии кӯдаконро дар мадди аваал қарор дода, дар ин рузи фархунда ҳамаи кӯдакони ҷахонро бо Рӯзи байналхалқии ҳифзи ҳуқуқи кӯдакон табрику таҳният гуфта, ба ҳамаашон осмони софу беғубор, хушбахтӣ ва саломатӣ хоҳон аст.

Лоиҳаи мазкур аз тарафи Вазорати тандурустӣ ва ҳифзи иҷтимоии аҳолии ҶТ, бо дастгирии техникии Хазинаи кӯдакони СММ татбиқ карда мешавад, ва аз тарафи Бонки Осиёии Рушд маблағгузори шудааст.

Маълумоти бештар дар http://adbmch.tj/

Возврат к списку

Агентии меҳнат ва шуғли аҳолӣ

к. А.Навои, 5/1 734026,

Душанбе, Тоҷикистон

Тел.: (+992 37) 236-89-92

Факс: (+992 37) 236-22-41

e-mail: sector.clms@yandex.ru